Da Peta und sei Hawara

[Numenator]

Da Higgs, a Brite und sei belgischer Kollege Englert, wern als Erforscher des Teilchens geehrt wos uns blad mocht. Änd se Nobelpreis gos to Francois Englert änd Peter Higgs, I gfrei mi aufrichtgi für den Peta , den er hats ned immer leicht ghabt mit seiner Theorie und wie des in da Schui so is homms erm auf da Uni sicher a ghänselt für sei Idee. Des Higgs Teilchen is a Elementarteilchen des , sofern da Peta Recht hot, den andern Teilchen erst ihre Masse verleiht. Nah kännts eich vurstöhnt wos da Peta ois mitgmocht hot, weö beweisn hot ers ned kenna. Oba waun a Recht haut, daun erklärt des die grässtn Frogn da Physik, wiaso Teilchen unterschiedliche Masse besitzen oda gor kane (Photonen).
Jetz homs vor ana gewissen Zeit bei de Schweizer a riesen Loch grobn und an LHC eine ghaut und wieda zuagschiet. Durt dans die ormen Teilchen durch a Röhrl in gegengesetzte richtung Jaucken und schaun wos passiert wenn wenn die gjaukten Teilchen zaumduschen. Den Kläsche kännts eich vurstöhn. Des Glick is a Vogerl und wia a Vogerl so is hots erna jahrelaung eine gschissn bis… , und aufpassen jetzt kummts, bis letzen Summer der Englert gmahnt hot er hots gfunden, oise des Teilchen von dem da Peta immer nur glaubt hot es muas do sei. Gaunz sicher wornsase ned zum aufang weö so a Teilchen is ned leicht zum fniden, ned nur weös so kla is, sondern a weis ned laung lebt (3x10-22 Sekunden). Und daun sieacht mas ned selbst sondern nur seine Zerfallsprodukte, de Spuren des hinterlasst wennst so wüst.
Oisa ned nur das urkla is, lebts a nur so kurz und schleicht sie glei wieder damit man nur den Dreck finden denns hinterlosst während sein kurzen Lebm. Test hi Test her, „schaut guat aus“ hot da Englert gsogt zum Peta. Fürn Peta is des natrülich a Grund zum feiern weö er hots jo scho immer gwusst und die Gfrasster von da Uni miassn jetza die Goschn hoidn.
I gfrei mi fürn Peta das no zu Lebzeiten (mit hoher Wahrschenilichkeit) der Beiweis erbrocht wern konnte. Und i find da Nobelpreis für Physik is zu Recht fürn Peta und sein Hawara!

LG

[Numenator]

http://www.economist.com/news/science-a ... s-and-ways